幾日冇打xanga啦!!

今日影班相啊,

個影果個人都唔知識唔識影嫁,

個個都未準備好,佢就影了,

鬼死冇咁快喔!!我驚影出黎唔靚啊!!

今日放學時落好雨啊,走都走唔到,

我同小燕就上左7樓整衫,有小燕幫我手,

我條裙先整得咁快,依家淨番車拉鏈喳,

車完就整完啦!!!我今日試過,我覺好靚啊!!!

今日西廚堂整豬扒同布丁,我覺得幾好味.

不過個布丁奶味重左d,但係都幾好味,仲好滑添!!

我地聽日整曲奇同甜甜圈啊,一定好好味姐.

我今日放學有留低黎整我絛裙啊,

好彩有小燕幫我手(唔該晒你啊小燕)先整得咁快咋,

因為我再整多件上身呀,之前個件心口位太低啦!!

依家果件仲有少少就整完啦,

跟住就可以裝佢地一件件車埋就完成啦!!

我想喺放復活節之前整好佢啊,

所以下個星期都要留落黎整,一定可以整好既,

加油!!加油!!

終於考完啦!!依家好輕鬆啊!!!

我琴晚溫到差唔多十二點先瞓呀,

今日上堂又不停做不停溫喔,仲好緊張啊,

去到試場果陣果心跳得好快,仲有少少痛添,

不過一陣就冇事嚕!!

我覺得考出黎既成績應該幾好!!

考完試,跟住要做既事就係快d整好件晚裝,

我仲帶左番屋企整添,

真係要快d先得啦,其他人都整好左啦,

我唔想做最慢果個啊!!

今日好開心啊!!最開心果個莫過於趙趙啦!!

佢今日大豐收啦,開心到笑唔停啊!!

佢今日以為我地真係送個雪芳蛋糕俾佢,

其實我地係想整古佢,

果個雪芳蛋糕係我今日去7-11買既,仲同阿禧他地夾好左

,先送雪芳蛋糕俾佢,整古下佢,

跟住再攞個生日蛋糕出黎,嘻嘻!!

趙趙係未好驚喜好難忘咧!!

我琴日試左用麥片洗面啦!我覺得有效啊!!

洗完好似滑左d,真係好啦!keep住用先得!!

今日時裝堂學化妝啊!!

3堂學做MASK同收眉,第4堂開始先學化妝,

個美容師話用麥皮加少少水洗面可以去暗瘡印同埋死皮,

所以我今日補完課就去買左一包麥皮,諗住試下,

睇下係唔係真係有效,果係咁我既皮膚就會變得靚靚啦!!

聽日學做MASK同眼部按摩,

個美容師話眼部按摩可以去黑眼圈啊,我想快D學啊,

咁我就可以快D整走我既黑眼圈啦!!咁就真係太好啦!!

我又開始懶了,唔多想打XANGA啊!!

有時我都唔知打D咩好喔!!點解你地可以諗到咁多野打既?-.-